如果香港要選十大公職王，會計師黃匡源必定入選，政府搞嘅環保、房屋、交通等大大小小委員會，好多都有佢份，佢重係社會福利諮詢委員會主席。
點解Peter咁鍾意社會事務呢？原來有段古。香港社會服務聯會出版嘅《社情》今期訪問咗佢，Peter同讀者分享咗佢嘅「一個二百元的教訓」。
故事發生喺七十年代，Peter嗰陣時喺家庭福利會擔任義務司庫，有一件事令佢感受至深。
當時佢同香港法律界大師余叔韶有過一場爭拗，話說一名男子偷咗機構二百蚊，為咗研究應唔應該追究區區兩嚿水，報唔報警，兩個人激辯咗兩個鐘頭；Peter覺得好似唔值得，余叔韶就講咗句說話：「呢個係原則問題，唔關金錢嘅事。」
Peter話，呢番說話令佢明白社會要有公平公義嘅環境，從此佢就全情投入社會服務。
傳真︰2623-9278
電郵︰