謝霆鋒串謀妨礙司法公正罪成，前日覆核刑期後維持原判，只需履行社會服務令二百四十小時，其女友王菲心情好之餘，同時亦傳出霆鋒原來因嫌張栢芝過於高調，所以才與她分手。據知栢芝與霆鋒分手後心情大受困擾，要向心理醫生求助。記者昨日在霆鋒山頂裕景花園寓所守候，但一直未見霆鋒出現。
而記者向中國星發言人李小姐求證有關栢芝看心理醫生一事時，李小姐說：「梗係唔會有咁嘅事啦，栢芝使乜睇心理醫生，佢嘅情緒好平靜，我唔覺佢有任何異樣，佢𠵱家喺內地專心拍緊賀歲片《老鼠愛上貓》，希望外界唔好有太多揣測。」再問栢芝與霆鋒是否已分手時，李小姐說：「對於栢芝嘅私人感情，公司向來都唔會過問。」
此外，出爐金馬獎「最佳男配角」黃秋生，昨日下午從北京拍罷賀歲片《老鼠愛上貓》返港。秋生透露日前在北京已經慶祝，回港後因要趕拍另一電影《千機變》，故無暇再次慶祝。
對於霆鋒維持原判一事，秋生恭喜霆鋒之餘，並稱會請他吃飯。而在《老》片中與栢芝有不少對手戲的秋生說：「栢芝冇嘢喎，我哋拍戲成日有講有笑，唔覺佢情緒有嘢喎。」
採訪：陳月媚、馮美茵 攝影：甄朝健