總理朱鎔基到港，當然係一件大事，特首董建華前晚就請咗朱總去阿董嘅別墅香島小築食飯。不過，阿董此舉就似乎令到灣仔區議員馮兩努鬼咁不滿，重打鐵趁熱咁，喺噚日舉行嘅灣仔區議會會議上發洩咗出嚟㖭。
話說噚日會議嘅其中一個議程係政府應該正視印傭群集銅鑼灣，喺呢個議程開始咗冇幾耐，馮兩努就舉手發言。點知佢講講吓，就講到阿董應做唔做，請朱總去佢嘅別墅食飯，搞到交通鬼咁擠塞，其他正經嘢就唔做，好似印傭群集街頭就唔好好處理，淨係識得印製宣傳小冊子呢啲門面工夫。八方真係諗唔到，兩努哥都會咁激！
﹙圖﹚馮兩努話阿董請朱總去別墅食飯，搞到交通擠塞。
傳真︰2623-9278
電郵︰