白鴿黨主席馬丁訪英，噚晚去到英國大律師公會，見到嘅都係同行，傾開二十三條立法問題就更加夾嘴型，其中有位紳士對香港情況特別熟悉，令人印象深刻。
涂謹申同佢交換卡片，一睇，CharlesHaddon-Cave，有啲熟喎，佢話喺香港生活過十年，重識講少少廣東話，講得最好嘅名係「夏鼎基」；因為「He'smyfather!」哦，原來七一至八一年做香港財神爺，提出積極不干預政策，成為煲呔曾師傅嘅夏鼎基CharlesPhillipHaddon-Cave就係佢尊翁。
當年夏鼎基為香港創造奇迹，今日四十六歲嘅小夏鼎基就關心二十三條立法，影響香港投資信心。不過佢認為自己係QC唔係政治家，最重要唔係爭拗要唔要立法，而係點樣立法至最唔影響市民。
﹙圖﹚馬丁（左二）噚日見英國大律師公會，一班大狀企埋一齊（除咗阿涂係律師之外），小夏鼎基（左一）最高人一等。陳廣慧倫敦傳真
傳真︰2623-9278
電郵︰