噚日係人大登記參選嘅最後限期，有啲人之前一直十五十六揸唔定主意，有啲人則想攞到更多提名，令參選聲勢更勁，所以有二十三位等到呢日先遞表，其中最令人意想不到都算陳方安生嘅弟弟方津生醫生。
方醫生原來一直有考慮選人大，但又怕工作太忙好難兼顧，終於到咗噚日上午先扑槌參選，午飯時重特登打畀家姐陳太，問佢贊唔贊成。Anson嘅回應非常正面，話會支持細佬參選，做應該做嘅事。方醫生即刻撲嚟撲去，兩點幾去上環信德中心報名處攞參選表，一個鐘之後竟然神速集齊十五份提名信，交番報名處。
傳真︰2623-9278
電郵︰