財政部部長項懷誠「嚴肅問題棟篤笑」嘅功力，八方昨日終於領教到。話說項部長噚日出席香港總商會午餐會，談赤字預算。
前日佢稱讚財政司司長梁錦松本事比他大，好多人以為佢講反話，查實項部長接替劉仲藜時，中國赤字只係四百六十億元人民幣，家陣係三千億，真係大鑊過「赤松」好多。
午宴只有兩個機會提問，總商會總裁翁以登同副主席蔣麗莉有備而來，都問得比較尖銳，一個問財赤一個問人民幣會否升值，項部長即刻話：「你們兩個博士問一個學士，我怎能不感到壓力？」
佢話個人認為人民幣有升值壓力，但隨即叫大家千祈唔好報道，因為太敏感，點知通訊社話之你，搞到滙市都郁咗一郁。佢重話世界各地對赤字佔GDP比例的安全線有不同說法，歐洲有馬城條約（控制在百分之三以下），亞洲也可以搞個「馬鞍山條約」，引得哄堂大笑。
（圖）項部長演講，蔣麗莉（左）送紀念品，方黃吉雯又無情情上埋鏡。
傳真︰2623-9278
電郵︰