我阿菲係一隻又聰明又為食的史納莎，我嘅主人Teddy，係一個又靚女又識得煮幾味的模特兒。我很喜歡食豬肉，Teddy也是，她有兩道招牌菜：甜豆炒豬頸肉及檸檬肉排，都是以豬肉為主要材料，每次她下廚煮這兩道菜，我都開心得在廚房走出走入，更會扮趣致地坐到桌子旁，陪伴她食飯。其實我這樣做，無非都是想趁Teddy不留神，靜靜地偷食，可惜到目前為止，都沒有一次成功……
記者：陳珮娟攝影：陳陶鈞
Teddy話呢道菜係佢細個時媽媽經常煮的，煮法又容易，材料又少，只是較花時間。自從她由沙田老家搬出來獨立後，便經常煮這味菜。不過每次燜的時候，Teddy都會很小心地看火，因為溶化了的片糖很容易燒焦，若燜得過長的話，就會變成焦糖排骨了。
材料：
肉排 12両
檸檬 1個
片糖 1片
水 半碗
醃料：
鹽 3/4茶匙
胡椒粉 少許
豉油 1至2茶匙
糖 1茶匙
生粉 1茶匙
燒酒 1茶匙
做法：
試味報告：
排骨吸收了檸檬的酸味及片糖的甜味，酸甜度掌握得非常準繩，酸酸甜甜，令人胃口大增。
自從在街外食過豬頸肉後，Teddy便愛上了這種咬入口又爽又脆的肉類，經常嘗試自己煮，試過用很多其他的蔬菜一同炒，味道都不夾。直至偶然在食店看到甜豆炒雞柳，便靈機一閃，決定用甜豆炒豬頸肉，結果竟出奇地配合，最後更成為她的拿手招牌菜！
材料：
豬頸肉 12両
甜豆 3両
蒜頭 1至2粒
醃料：
鹽 3/4茶匙
胡椒粉 少許
豉油 1至2茶匙
糖 1茶匙
生粉 1茶匙
燒酒 1茶匙
做法：
1.先將甜豆邊的硬衣搣掉，然後洗淨備用。
試味報告：
豬頸肉爽脆，甜豆香滑，蒜頭改在最後才加入，除了不會炒燶之外，更為整碟菜帶來蒜香，實在應記一功！
一樓豬肉檔
Teddy家住西環，最方便當然去石塘嘴街市買餸，這個街市分多層，甫入街市，Teddy迅速地走到一樓的豬肉檔買豬頸肉，我們問肉檔阿哥揀豬頸肉有沒有特別的心得，阿哥立即嘩啦嘩啦地說：「豬頸肉？以前邊有呢個名㗎！近呢幾年啲人興食豬頸肉，先會幫佢安個咁好聽嘅名，唔通西施嚿骨就真係好似西施骨咁咩?!豬邊度有頸㗎，其實豬頸肉咪即係豬揼兜囉！」「吓？咁即係邊一個部位呀？」「即係豬嘅面珠墩揼住嗰嚿肉囉！」
脹卜卜甜豆至靚
學識咗豬頸肉又即係豬揼兜後，Teddy又走到另一排的菜檔買甜豆，驟眼看來甜豆跟荷蘭豆的外形有點相像，菜檔阿姐教我們，前者比較脹身，圓圓淨淨，而後者則扁身一點，只有有豆的部份才隆起。不過兩種豆都係一樣賣$12一斤。