梁錦松一聲令下要減開支1.8%，呢個數喺私人公司根本濕濕碎，但係有個別政府部門就叫晒救命，以為可以有數講，點知俾煲呔叫收聲。
八方聽聞由於經過多次瘦身運動，有啲部門真係削入肉，但係為咗以身作則，冇得出聲，當中包括稅務局。局長劉麥懿明對八方話，佢最近先至同部門中人講，減的確係唔容易，但係如果政府唔自己減到盡，點要求社會大眾共度時艱呢？所以點艱難，都要支持阿松。
其實劉太最大挑戰係喺咁嘅經濟環境交足數畀馬時亨同阿松，今年薪俸稅要收355億，利得稅要收429億，其他好似印花稅同博彩稅已經預咗無法達到預期目標，冇得搞，所以劉太只有盡全力去追嗰啲可以追到嘅一蚊一毫。
（圖）劉麥懿明為咗以身作則，一蚊一毫都要慳。
傳真︰2623-9278
電郵︰