由日本Apollo出版社旗下三本汽車雜誌聯合舉辦、每年一度嘅日本MBC獎，今年嘅獎項於日前公布，大獎得主為今年推出嘅新版萬事得Demio（即港版Mazda2）。
MBC獎其實係「MyCarBestChoice」嘅簡稱，選舉方法係由讀者投票選出候選名單，然後再由汽車傳媒，以及該三本雜誌嘅總編輯於候選名單中選出大獎得主。今次Demio得獎嘅原因，係繼承咗上一代優秀嘅基本性能，再加上提升咗實用性及性能表現，雖然市場對此車嘅評價有稍弱嘅趨向，但從性能表現、質感以及實用性等各方面考慮，新版Demio的確能夠在芸芸小型車款之中，將呢啲重要因素集合於一身，所以喺考核中獲得最高分數，而成為今年嘅大獎得主。
而響同一賽事中嘅特別獎，則由與Demio爭奪大獎嘅日產Fairlady，以及大發Copen獲得，兩者都係因為喺合理價格內，提供咗高性能及優良設備而獲獎。