香港電台DJ車淑梅的父親車仁佳，上月在美國三藩巿心臟病發逝世，日前遺體已運返香港，車淑梅等人昨日在沙田寶福紀念館為亡父設靈。車婉婉的母親車綺芬和張之珏等都有到場致祭，而一些唱片公司則送來花圈。
車淑梅昨日在黃大仙出席港台活動時說：「我哋六兄弟姊妹各人都為阿爸嘅喪禮負責唔同嘅嘢，我就負責鮮花，阿爸雖然唔喺度，但我好多謝咁多人關心佢，阿爸生前話一個人成唔成功，行到最後一程多唔多人送就知。」
談到車淑梅亡父生前的軼事，她說：「佢好節儉，試過全家人喺加拿大等巴士，場面好溫馨，可惜阿爸咁快走咗，我希望時下年輕人可以珍惜眼前同埋孝順父母。」
而車淑梅工作完後到亡父靈堂致祭，她說：「阿爸喪禮會用佛教儀式，我哋搵咗七個法師為佢誦經。」港台DJ周國豐和梁繼璋都有前往致祭。