香港經濟雖然差，但比起內地偏遠地區貧病交迫嘅同胞，香港人都要學吓珍惜擁有嘅一切。噚日第三列由香港市民捐贈嘅「健康快車」眼科火車醫院，由特首代表送贈內地同胞，明年開始就會投入服務，穿梭四川、湖南及貴州省，讓白內障患者有機會重見光明。
「健康快車」交接儀式咁有意義，好多人都嚟捧場，除咗特首，重包括中國財政部部長項懷誠、高祀仁、吉佩定、楊永強、林百欣、田北辰、楊啟彥、鍾逸傑等，不過身為「健康快車」執委主席方黃吉雯就認真失威，致辭時竟然當眾讀錯中聯辦主任高祀仁個名，講成「高杞仁」，「杞人憂天」唔多老嚟，不過高主任嘅廣東話好似麻麻，希望佢聽唔到錯處。
（圖）方黃吉雯（左）陪同特首，將「健康快車」模型送予中國衞生部部長張文康（右）。
傳真︰2623-9278
電郵︰