阿董救市九招一出，一時間個個地產商都搏命唱好個市，八方行出調景嶺地鐵站，守喺出口嘅地產經紀都生猛咗好多。不過張五常大教授就唔係咁睇好。
八方在黃貴權醫生嘅影展見到張大教授，問佢覺得阿董重有冇漏招？張教授話唔係招數多寡嘅問題，而係大方向是否正確嘅問題，佢由始至終都認為，政府應該要推動需求，個市先會有生機，但呢次嗰九招，多數都係企圖減少供應量。
不過張教授又唔係全盤否定阿董嗰九招，例如停售居屋、取消租務管制，正合張教授之意。
但講到經濟問題，都係要拜讀張教授嘅大作《經濟解釋》，先至叫做真正袋錢落你袋。
張教授一方面自嘲，話俾人鬧自己嘅文章寫得太深，但對本書銷情暢旺又非常開懷，大教授睇嚟都會有自相矛盾嘅時候。
（圖）張教授唔係咁睇好「救市九招」，認為大方向不太正確。
傳真︰2623-9278
電郵︰