稍有名氣的牌子，不論Figure、波鞋與時裝，都必定試過交叉合作這一招。但Crossover玩得多總會厭，珍貴價值亦大不如前。但香港代表與外國名牌玩Double-name又唔同，機會難得兼為港爭光，本地潮流友必定「揞」荷包支持。昨日我們報道過本地潮流店I.T與米奇老鼠合作出紀念Tee的盛事，今日新鮮熱辣又有extravaganza與日本紅星HelloKitty搞時裝配飾，好事成雙益晒香港Fans。而Kitty交叉系列更只在香港有售，連吉蒂東瀛祖家都無得賣，果然夠面子！
記者：梁珮瑜
攝影：林栢鈞
不但少女愛Kitty，就連OL亦有不少是哈囉吉蒂的Fans。所以今次Crossover系列主攻女仔可愛款式之餘，亦兼顧OL返工需要，部份斯文Style絕對適合低調擁躉。而整個系列由潮流店extravaganza主導設計，所以不論剪裁或顏色都以潮流款式為主，襯少女或返工Look都一樣得。
HelloKitty×extravaganza限量版手表的水晶石，用上澳洲的Rhinestone，閃爍水晶令吉蒂變得好高貴。心形系列有粉紅、棗紅、黑色及牛仔布表帶四款，售$1,980，限量500隻。而方形雙表帶系列有粉紅、黑色及牛仔布三款，售$1,680，限量300隻。全球只在香港發售，日本Fans都惟有來港撲貨。
潮流店extravaganza一向賣開PatrickCox、Westwood及Prada等名牌，與HelloKitty可謂大纜扯唔埋。
據extravaganza老闆Simpson講，自己一向欣賞Kitty，她不但受女生甚至男生的歡迎，產品及層面更十分廣泛與全面，所以嘗試找日本的Sanrio合作推出時裝系列。「合作版包括有衫、鞋、袋、手表及明年推出的飾物系列，款式由我們設計，Sanrio方面則設計圖案及提供意見。好開心今次合作很順利，最難得是這個合作系列只在我們店舖有售，日本都買唔到。」
日本Sanrio代表當日亦有派員來港支持，其中更包括與眾星合照的Kitty大貓，都是由日本搭飛機到來。香港公司的副總經理西野博昭先生：「Kitty以往都有同其他品牌合作，例如PaulFrank等，但今次是首次與香港公司推出產品。每次合作是希望由對方的角度來看Kitty，今次就由extravaganza以時裝的角度來看Kitty，感覺是Sweet及Cool的。」
售賣點：
extravaganza(27358080)
尖沙嘴廣東道30號新港中心LG18舖