正當日本家庭七人MPV，競爭得如火如荼之際，亞Mark聽聞韓國嘅起亞（Kia），亦試圖分一杯羹，再度引入全新一代嘅Carens。查實，呢款Carens早前亦曾打入過香港市場，惟當時僅得六座位配搭，加上局限只有手波型號，想響眾多日本車之中突圍而出，殊非易事。惟今趟亞Mark聽聞代理係有備而來，皆因新款Carens除外形包裝有大革新外，車廂鋪排亦變成三排七座位組合，而且重新加入軚自動波配搭，令車廂之間有Walk-through嘅方便外，全新中控台設計亦教人有耳目一新嘅觀感；而一台1.8公升直4偈（馬力126匹）表現，更媲美本田Stream1.7版㖭。
惟Carens嘅售價，手波版只係賣8萬9千9，而自動波版亦不過係9萬9千9咋！唔到10萬嘅價錢，就可以擁有一部咁實用嘅七人MPV喎！真係幾有吸引力噃！