港台《議事論事》做咗新一批紀念杯，送畀各議員。八方記得去年嗰個紀念杯，印上六十位議員卡通畫像，今年隻新杯一到手，第一個感覺係好似九龍皇帝曾灶財墨寶，睇真啲，原來係一首打油詩。
除咗首詩，重配上立法會及《議事論事》兩位主持人李鵬飛同鄧景輝嘅漫畫人像。只見立法會屋簷下，唔同意見嘅議員怒目相向，甚至起埋飛腳。八方覺得呢個杯比起上一個嘅設計，好似多咗啲戾氣；唔通連飛哥都有預感，呢一年立法會爭拗矛盾會更多？
（圖）
依家環境咁濕滯
人人心噏夾閉翳
議員天職：議事論事
市民利益放首位
最好一齊諗吓計
喂！齋講無謂
Action最實際！
傳真︰2623-9278
電郵︰