港區人大選舉今日截止報名，有啲人話咗唔選又選，不過，原來近日曝光率甚高嘅陳永棋真係唔玩。
八方問棋哥點解唔再參選，陳人大話佢已經做咗十年人大，應該唞吓，佢又怕八方唔明，不厭其煩再講明白啲，就係因為佢工作忙，既係長江製衣嘅總經理，又係亞視行政總裁，兩檔嘢夠晒佢忙，如果重要兼顧埋人大工作會好吃力，所以決定唔選。
八方多口問陳永棋，如果中央請佢做政協委員或者常委，佢會唔會肯制？陳永棋就馬上話：「冇人叫過我做政協。」不過，當然可以研究研究，棋哥同政協亦有淵源，做過東莞政協。
咁又係，棋哥今年只有五十五歲，有排未退休，做政協為國繼續效勞佢肯定義不容辭。
傳真︰2623-9278
電郵︰