李嘉欣的兩位前度緋聞男友黎明及劉鑾雄，近日各傳喜訊，嘉欣揚言戥出爐金馬影帝黎明開心。但當提到劉鑾雄弄瓦之喜時，伊人停了一會才說：「我諗唔需要恭喜啦。」
黎明（Leon）前晚憑電影《三更之回家》成為出爐金馬影帝，曾與他傳緋聞的李嘉欣昨日往九鐵沙田貨場，出席健康快車的「樂韻愛心綻光明」活動時，對Leon得獎一事說：「我知道佢攞獎，但係冇即刻打電話畀佢，睇下經理人點安排啦，或者一齊食餐飯。」
嘉欣提起黎明攞獎時乘機大讚對方，她說：「我冇睇過《三更之回家》，聽講睇過套戲嘅人都係鍾意Leon嘅角色，可能佢喺戲入面有得發揮啦。佢攞到獎我都戥佢開心，其實佢做《甜蜜蜜》時，都已經知佢做得好啦，我會買《三更之回家》隻碟返嚟睇吓㗎。」
嘉欣除了與黎明傳緋聞外，她又曾與劉鑾雄（大劉）傳緋聞，上月尾大劉女友呂麗君（Yvonne）為大劉誕下女兒，大劉榮升第三任父親，問嘉欣有否致電恭喜大劉？嘉欣聽後不禁打個突，停了一會才說：「我諗唔需要恭喜啦。」抗拒的態度與提及Leon攞獎時比較，明顯作出三百六十度轉變。
其後嘉欣笑言自己擇偶要求高，故身邊未有追求者。她又表示稍後將接拍關錦鵬執導的電視劇《畫魂》，她在劇中扮演一名三、四十年代、擅畫裸體女子的畫家潘玉娘。
此外，昨日葉佩雯及麥浚龍（Juno）亦有出席健康快車活動，對於有周刊拍得退出娛樂圈的何嘉莉與髮型師男友當街吵架，葉佩雯說：「佢轉咗電話號碼，我哋都搵佢唔到，佢好似失蹤咗咁。」
而Juno演唱期間和女dancer跳舞時身貼身，意識十分大膽。