禮拜日天朗氣清,開車入沙田馬會食晏,一入中菜廳,就見到長江董事趙國雄一家四口在歎茶,繼而望見李國章局長兩夫婦坐在遠處靠窗的細枱;八方早前寫過李太赴美診病,於是行過去問候一聲。
局長兩夫婦都有點憔悴,但見到八方,李太仍微微笑地說:「我丈夫係醫生,有佢照顧,非常安心」。局長聞言,謂多謝大家關心,佢雖然難過,但一定陪太太應付呢一場仗,同時亦會處理好公務。八方見佢眼紅紅,一時間唔知講乜好。
原來李太發現患上乳癌,情況頗為嚴重,早前急忙飛去美國,就是為了多尋求一個專業意見,現在已在港開始治療;局長話自己係行內人,信得過香港的醫療,目前最緊要係讓太太安心養病,不希望傳媒打擾,因為寧靜環境對病人情緒好重要。八方安慰咗佢兩句,然後告別,李太又再微微笑,真係堅強;希望佢哋早日打勝呢場仗。
(圖)李國章太太證實患乳癌,夫婦倆會堅強地去「打這場仗」。 資料圖片
傳真︰2623-9278
電郵︰