噚日屯門公眾騎術學校好熱鬧，傷健策騎協會舉行開放日，有齊大馬小馬迷你馬，同大人細路親近。全日高潮莫過於一連串嘅馬術表演，騎馬一段日子嘅小朋友及外籍太太團，騎馬跳起欄嚟都有板有眼，得獎捧杯嘅更包括十二歲嘅小妹妹。
另外，噚日一啲傷健人士亦騎上馬背，享受同一般人一樣嘅策騎樂趣。傷健策騎協會主席楊國琦話，𠵱家正放眼二○○八年嘅傷殘奧運會，積極培訓，希望到時可以喺北京捧杯。八方見到傷健協會一句座右銘，表達咗騎馬對傷健人士自信心嘅建立，非常感動，一於同大家分享吓：「當我坐在輪椅上，我要抬頭才可以望見別人，當我騎在馬背上，別人要抬頭望向我。」
（圖）小朋友喺傷健策騎協會嘅開放日得嘗騎馬樂。
傳真︰2623-9278
電郵︰