出爐「金馬影后」李心潔和「金馬最佳導演」陳果明年初可望合作拍攝一套勵志電影，在片中李心潔將扮演一名刁蠻律師，而男主角則屬意古天樂。
出爐「金馬影后」李心潔明年一月有機會夥拍「金馬最佳導演」陳果拍攝一部勵志片，陳果將擔任該片監製，鍾繼昌執導，男主角屬意古天樂，李心潔在片中將扮演一名刁蠻律師。
為了爭取李心潔演出該片，陳果和鍾繼昌提早赴台與她洽談演出事宜。據悉李心潔對今次的合作組合很感興趣，所以接拍此片機會相當高。
記者昨日致電向鍾繼昌求證，他說：「禮拜六我同陳果飛去高雄見咗李心潔，第一眼見到佢，我覺得佢幾有氣質，其實之前我睇咗《見鬼》之後，我覺得呢個演員幾特別，夠膽唔化妝上鏡，佢嘅可塑性好高，所以佢幾適合拍我部戲。陳果都幾鍾意佢，第一次同佢傾過劇本，佢都幾有興趣，相信大家合作嘅機會都幾高。」
鍾繼昌續說：「男主角搵古天樂，係因為個角色好啱佢做，同埋我覺得古仔嘅可塑性重好大，相信佢加李心潔、陳果同埋我，可能會出現幾好嘅化學作用。古仔係中國星嘅人，我已經正式同向太借人，向太原則上已答應等古仔拍完賀歲片之後就可放人。」
此外，李心潔前晚在金馬獎慶功宴上，表現得很開心，不過她說不會因奪「金馬影后」而加片酬，她以國語說：「今次我得獎，不代表永遠，所以未想過加片酬之事，明天我會去懇丁為新唱片拍宣傳照，所以就是要同親友們慶祝，相信都要遲些返港才可以了。」
記者何永寧、仇志德高雄直擊