噚日係長者日，九十五間提供安老服務嘅服務單位喺沙田新城市廣場賣「敬老護老愛心券」，幫老人院舍籌錢，且請來社會福利署署長林鄭月娥幫手。署長未開始賣愛心券，已經私人捐咗一嚿水，算有個好開始。但唔知係咪經濟差，署長企咗喺商場五分鐘，啲途人好似當佢透明，直行直過，一張愛心券都賣唔出，認真尷尬。
呢個活動嘅籌備委員會主席狄志遠見到，立即走埋署長身邊，猛咁向路過嘅人介紹：「署長賣券呀，過嚟睇吓啦。」結果反應幾好，即刻有兩位女士用咗三十蚊幫署長買愛心券。雖然署長唔係籌到好多錢，但八方好欣賞佢喺星期日都出錢出力，唔係好多高官肯咁做。
（圖）多得狄志遠幫手叫賣，林署長（左）先即刻賣出愛心券。
傳真︰2623-9278
電郵︰