建滔化工（148）呢隻基金股真係唔簡單，上次因為買電廠單交易，1個月內唔夠，由5元樓上質落3.50元水平，但雨過天青後，又在個多月時間內炒番上5元水平，真係唔到你唔服。建滔上周五雖然微跌1.94％，但仍然收5.05元，企得不知幾硬淨。
小初9月份時曾提過，有芬佬唔多高興建滔買電廠，怕佢因此而負債大增，短期又對盈利冇實質貢獻，之後股價果然勁插。不過，芬佬驚還驚，但有幾多就買入幾多，連帶大股東都密密增持，股價自然出現反彈。
建滔將於下星期出業績，加上股價都升咗咁多，睇嚟都係時候做路演。
講起建滔，其實除咗做廠叻之外，炒股都有一手，好似佢揸咗葉氏化工（408）接近10%股票，搞到對方要計劃回購，畀建滔套現。至於依利安達（033），建滔更加揸咗兩成股份，人哋知道後頭都大埋。炒股炒得咁叻，小初真係甘拜下風。
慕容小初