識飲識食唔代表一定要餐餐珍饈百味，對於老人家嚟講食得健康更緊要！房屋署同基督教家庭服務中心搞咗個名為「長者『適』飲『適』食更有福」長者健康餐單設計比賽，啲得獎嘅公公、婆婆唔單止煮嘢撚手，重識得點煮點食先至健康，所以一個二個都老當益壯，連八方都無佢哋咁健康。
劉瑞蓮婆婆以一味「鮮茄豆腐粒燴雞絲」得到長者組冠軍，唔好睇少呢味家常小菜，擔任評判嘅資深營養師劉立儀都讚好嘢，因為豆腐可防心臟病，又含高鈣質，番茄就可以防癌同抗老化，加上劉婆婆嘅煮法少油少鹽，完全符合老人餐單要「低脂、低鹽、低糖、高纖」嘅要求。至於家庭組就由嫲嫲吳佩珍同乖孫劉盷承以「七彩什錦炒絲」奪得冠軍。
（圖）睇劉婆婆（左）、吳婆婆（右）同其乖孫咁開心就知煮嘢食係老少咸宜嘅活動！
傳真︰2623-9278
電郵︰