噚日一班立法會議員，同警察足球代表隊嘅精英聯手，喺沙田體育場同港台及譚詠麟、黃日華等明星組成嘅球隊，上演一場足球大戰。七個議員包括陳智思、陳偉業、鄭家富、馬逢國、胡經昌、黃宏發及吳亮星。警隊方面則有十年前港隊代表周志成，現任警察學校體能教官。
上半場十七分鐘內就落後兩球嘅議員隊，憑周Sir一口氣連追兩球，阿富跟住踢入一球十二碼三比二反超前，完場前兩分鐘被對手扳平，雙方三比三和氣收場。攞到「最突出球員獎」嘅大嚿陳偉業，中場時忽發奇想，建議阿董不如捐出三分一人工，贊助警隊組班參加甲組，一定可以大振公務員士氣！
（圖左起）黃日華、張文新、陳智思及陳偉業踢波時火氣十足，踢完就握手做番老友。 成啟聰攝
傳真︰2623-9278
電郵︰