很多女孩子都戒食牛肉，因為大家都相信多食牛肉會對皮膚不好，但靚女Vanessa楊崢卻唱反調，認為食牛是對身體有益，「只要食到超級靚嘅牛肉，你就會唔捨得佢，食完一次又一次。」
記者：陸伊琳
攝影：陳穎
鳴謝：服裝提供NICECLAUP及tu-tubyNICECLAUP、髮型設計O4WingWong
楊崢試後食評
薄薄新鮮的牛肉，當刺身生食，鮮味無窮，不是間間餐廳能提供，事關這是由牛肉的新鮮度及質素而決定。
一碟有齊肉眼、牛柳及西冷三種扒，肉眼帶肥，牛柳較瘦及腍，而西冷味道甘香肉味濃，再配合三種汁醬進食：日本清酒汁、紅酒汁及香茸牛柳汁，最合貪心及拿不定主意的朋友選食。
D.A.（DryAged）是吊乾的方法來處理宰殺後的牛隻，把它們放在室溫攝氏零至四度內吊約二至三個星期，這樣牛肉便會產生一種酵素，從而將肉的組織溶解，使肉質變得更鮮嫩，而牛肉在吊乾時水份蒸發了，所以肉味更濃，Vanessa就鍾意食肉眼部份，肉質肥美可口。
頭盤拼盤每位$98（兩位起)
是一個豐富的頭盤，包括有煙鴨胸配鮮蘆笋、香煎鵝肝燴蘋果、黑椒阿拉斯加蟹腳、香草三文魚、沙沙式芒果鮮蝦及焗鮮蠔，是重成本的製作。
是新的配搭，把火腿捲着大蝦的外殼，煎香味濃，再配合清爽的水仙頭絲，不太油膩。
原來Vanessa早幾年都是「反牛」分子，因為聽得行家多話食牛對皮膚不好便戒食牛肉起來，但一次去日本旅行，試了當地有名的神戶及松阪牛肉，入口即溶的感覺，令她再一次食起牛來，但對於肉質亦有要求，要夠嫩和有肉味。這樣Vanessa便成了一個小小的牛肉專家，回到香港遍尋好味的牛肉。
「食番牛之後，皮膚無差到，相反身體嘅抵抗力強咗，當然唔好過量咁食，𠵱家平均一星期會食一次牛肉。」
問到Vanessa其他飲食心得，她覺得少食海鮮反有助保持美顏，她更透露戒食雞肉是減肥的好方法。
「年幾前朋友提議唔食雞，話可以減脂肪，原理都唔係好清楚，但撞啱有流感，就停咗食雞，結果應瘦嘅部位就瘦咗，真係好神奇！」
自從日本的食牛旅程之後，回到香港Vanessa四出找尋好味的牛肉，位於中環的Lan'sSteak餐廳成為了Vanessa首選食牛的地方。這裏的牛扒用的是「極黑牛」，即美國和牛，是日本和牛（Wagyu）與美國安格斯牛（Angus）的混種，有50%以上的日本和牛血統，其餘為高級安格斯牛的血統。
極黑牛的餵飼期最短為350日，較一般美國牛餵飼期長3倍，故此大大提高其嫩滑、肉汁及「雪花」量，比美國頂級牛肉更嫩滑，但仍然保持牛肉的口感。Vanessa表示極黑牛的肉質又是另一種感覺。
「神戶及松阪牛係入口即溶，而極黑牛肉味更濃，肥瘦均勻，好嫩滑，如果係經常食牛嘅朋友，一食就知同普通牛肉有分別。」
Vanessa最愛食肉眼，少少帶肥，口感一流，要是想一次過試到不同部份，便推介大家食極黑牛協奏曲。
Lan'sSteak
地址：中環安蘭街4至6號地下及1樓
電話：25261212
營業時間：12:00pm-12:00am