陳雅倫前晚以女主角身份出席新戲首映，她穿着透視高衩裙襯一件頭的T-back內衣，不時刻意讓記者影後，搶盡風頭。提到舊愛黃尚偉下月結婚，陳雅倫坦言仍愛對方，視他如親人一樣，並形容對他的愛為「昇華的愛」。
陳雅倫、姚樂怡、李麗珍、鄭中基、吳孟達及鄧萃雯等前晚到會展出席新戲《我愛一碌葛》首映，身為女主角的陳雅倫身穿一件綠色通花透視高衩裙，內裏一件黑色一件頭T-back內衣清晰可見，而裙前的開衩高得內褲差點外露，其酥胸和眉毛又塗上閃粉，搶眼誘惑兼而有之。
陳雅倫亦很擔心記者拍不到其透視裝的照片，幾度關切地問：「透唔透呀？不如側側地身畀你哋影呀？」結果陳雅倫四度擺好姿勢供拍照，後來她說：「我着呢條裙真係好勇敢，以前着過一次，露晒成對腳出嚟，以前我大髀肥，𠵱家成個人瘦咗先夠膽着。」
提到舊愛、音樂人黃尚偉將於下月結婚，陳雅倫笑着說：「恭喜晒，好戥佢開心呀，搵到一個啱佢又識照顧佢嘅女朋友，我都識呢個女仔嘅，所以好清楚佢可以照顧到黃尚偉，我自己就唔識照顧男友，我會送上衷心嘅祝福。」
問陳雅倫何時結婚？她說：「我博多幾年先啦，結婚係形式啫，而且愛一個人唔一定要擁有佢，對方有幸福我就開心，我愛黃尚偉唔代表要霸佔佢，我哋拍咗拖八年梗係愛佢，不過唔係情人嘅愛，係愛親人咁，昇華咗嘅愛，我都好享受𠵱家單身嘅生活。」
採訪：李珮洳 攝影：甄朝健