憑演出三級片而晉身電影圈的舒淇，已經成功洗脫三級女星的形象，最近更夥拍元奎進軍荷李活演出《換命快遞》一片。舒淇昨日與男主角積遜史迪咸出席新片記者會，記者問積遜有否看過舒淇的三級片，令舒淇十分尷尬。
舒淇首度進軍荷李活的西片《換命快遞》，昨日在灣仔舉行記者會，舒淇偕同片中男主角積遜史迪咸及導演元奎出席，並請來陳霽平擔任司儀。
現場有記者問積遜有否看過舒淇以往所拍的三級片？此問題頓時令舒淇一臉尷尬，但她亦努力擠出了一點笑容，她更緊張地望着積遜如何作答，而司儀陳霽平在聽到此問題後，亦嚇了一跳，先是一呆，但很快就過濾了記者的問題，變成問積遜有否看過舒淇主演的作品？結果積遜以英文說、意譯如下：「睇過一、兩部，唔講邊部，你哋自己估啦！」
而當陳霽平問舒淇為何有機會拍荷李活電影時？舒淇即不耐煩說：「講過好多次啦！呢部戲需要一個中國女仔角色，佢哋嚟搵我，我就演出。」
舒淇與積遜在接受訪問時更互送高帽，問舒淇與男主角合作的感受？她說：「佢（積遜）好玩、好認真，亦都好專業，唔使開工佢會跟導演去練武。」而積遜則回敬：「同舒淇合作好開心，係一次唔錯經歷，佢好性感、有演技，同佢合拍嗰場熱吻戲都好好玩。」
此外，有報道指舒淇有機會同畢彼特合作拍戲，問她是否屬實？舒淇說：「梗係唔係啦。」
採訪：魯萍
攝影：何國豪