十多名熱愛本地足球的年輕球迷，在九八年成立了本地足球網站「球迷大聯盟」，而網站經過幾年運作，累積了一定口碑，今年初獲足總邀請協助足總革新網頁內容。
負責統籌的「球迷大聯盟」Gary表示，與足總總幹事林俊英經過多次洽談，終在球季展開始傾妥合作條件及方式，他說：「林生好想搞好足總嘅網頁，傾嘅時候畀咗唔少意見我哋，傾過幾次後定咗現時呢個方式；遲啲會同足總傾下半季有乜需要改善，同埋要擺啲乜嘅新嘢落個網度。」
「我哋本身有自己嘅工作，有啲重讀緊書，比賽後又要盡快將圖文放上網，響有限資源下，我哋運作起都幾辛苦；如果足總放多啲資源，網頁內容應該可以做得更好。」Gary說。