自1977年首部《星球大戰》出現，25年中佐治魯卡斯共拍了5套《星戰》電影，並利用這四分一世紀，建造一個奇幻的太空夢幻國度，及全球上億的《星戰》影迷。有人話《星球大戰前傳II複製人侵略》係同系列中，使用電腦特技最勁同最多經典場面的一套，今個星期尾剛推出了3區中文字幕DVD，你又點可以錯過！
記者、攝影：朱崇德
逢星期日刊出
呢套戲係今年5月剛上畫的電影，故事發生在《星戰前傳I魅影危機》的10年後，銀河共和國處於混亂與紛戰中，分離分子集合數以百計行星聯盟，威脅脫離共和國，其勢連一眾絕地武士都無法遏止，最後引發出一場複製人的戰爭！
《星戰前傳II》使用電腦特技超強，連導演佐治魯卡斯都話今次係使用實景拍攝最少嘅一次，每分每秒鏡頭差唔多都摻雜咗電腦動畫，令場景同打鬥場面更天馬行空！
為咗方便電腦動畫後期製作，放棄了傳統菲林拍攝，完全用數碼攝影機，減少由「膠卷過光碟」的損耗，所以今次DVD版聲畫都特別正，並備有現時最新的杜比數碼5.1EX，質素同你喺戲院睇完全無異（當然要你套架生勁先得啦！）。
尤達大師一直被譽為全宇宙最好打嘅絕地武士，不過由於之前佢都只係一隻膠公仔或布公仔傀儡，所以好似成日都只係得把口講！但今集尤達大師全由電腦動畫製作，大家終於有機會睇到佢攞起把激光劍同人互劈，欣賞佢宇宙第一嘅劍法！
400個絕地武士同人「開片」，相信大家亦都未見過！據了解，好多WideShot大混戰場景，係逐個逐個絕地武士拍完之後，再合成為一個畫面，話咁樣先可以做到每個絕地武士都有自己嘅劍法特色！
今集嘅打鬥場面，亦都係咁多集最勁，因為第一次將空軍、戰車、地面部隊同太空軍艦，設在同場大混戰！人物戰車數量亦是最多嘅一次！
電話：21949100
地址：深水埗福榮街107號地下
去DVShop買《星戰前傳II》，頭50人可以免費獲得PosterCard一張。另外凡今日到該舖購買任何價錢DVD一張，即送上神秘禮物一份，包括《MIBII》3區DVD碟10隻、《我愛碧咸》3區DVD碟10隻、《MIBII》吹氣黑超30個及《MIBII》玻璃Poster50張等，數量有限，送完即止！