今個星期紅咗隻《雷霆傘兵》，好賣到周圍都大叫缺貨，咁價錢當然係水漲船高，又俾人炒起啦！鐵盒精裝版炒價$700，紙盒普通版炒價就$600左右！比原價差唔多貴咗$100！
呢套戲係由奧斯卡影帝湯漢斯，同金像獎導演史提芬史匹堡攜手合作監製的電視劇，故事改編自史提芬安布洛斯同名小說，內容講述1942年二次大戰時期，新成立的101空降師506團，在盟軍搶灘諾曼第前，冒險跳傘進入法國敵人腹地。睇過嘅人都話佢比《電霆救兵》拍得更寫實更殘忍；全劇共分10集（約10小時），並由多位名導演執導，拍攝成本破晒美國電視史上最貴紀錄（約10億港元），真係重貴過拍一部電影！
文：硬碟
《THEXFILE6》1區碟（售$650）今個星期到咗，全盒共有6隻碟，收錄咗98-99年間《X檔案》Season6共22集的故事。睇戲時大家要特別留意第6張碟，裏面有好多MakingOf嘅資料，而且重有15段刪剪片段，《X檔案》迷必買。另外，隨碟重送第4集同名遊戲《Dreamland》，又睇碟又打機，唔知會唔會玩得特別投入啲呢？
今個星期開始，「鐳射」好多DVD碟都會做特價，好似最新嘅《見鬼》、《新感官世界》、《男人之苦系列》、《數碼暴龍》、《象人》等3區DVD，都會做特價$78發售！其他靚聲靚畫中、西正片，都重有不下數十種，大家掃平價新碟又係時候喇！
DIGITALSHOP（23965321）
旺角花園街75-77號花園商業大廈9樓903室
今個星期SACD嗰邊，返咗鄧麗君、Beyond同林憶蓮嘅精選碟！鄧麗君有成19首歌，好似《再見我的愛人》、《月亮代表我的心》同《甜蜜蜜》等，首首名曲，而且隻碟重係SACD同普通CD機兼容，未買機嘅都可以買嚟聽住先，售價$155。至於Beyond同林憶蓮嗰兩隻都勁抵，玩SACD同普通AudioCD雙碟裝，各售$160，亦非常買得過。