睇唔出港大校長徐立之形象忠厚老實，點知落嘴頭𠱁人都咁掂。噚日中大新聞與傳播學院校友會，請咗徐校長講基因科學發展。話說八十年代加拿大經濟五窮六絕之際，政府好天真咁希望靠科研翻身。點知自八九年開始，徐立之做搞手嘅全國基因研究網絡五年來都未有貨交，徐校長喺呢個關鍵時刻，全靠又呃又𠱁，講到天花龍鳳，先保住撥款；捱到九八至二千年，商機先開始湧現。
徐校長又話好希望自己活多五十年，因為想有足夠時間研究基因。講到香港各大學嘅科研，徐校長一句概括：有分工冇合作，希望政府、大學同私人機構一齊傾掂數。
（圖）徐立之個樣咁老實，估唔到佢講嘢咁風趣，唔怪得當年「呃」到撥款啦！
傳真︰2623-9278
電郵︰