每年一度嘅澳門格蘭披治大賽車，重頭戲均放在周日嘅賽程上；當中至為矚目會係被列入國際汽聯三級方程式洲際盃嘅賽事外，重有藏龍伏虎、兼不乏國際一級好手參與嘅東望洋房車賽。究竟今年東望洋房車賽有甚麼瞄頭？不如今日我哋就嚟一次賽事前瞻啦！
記者、攝影：陳偉林、鄭達基
查詢
澳門：（853）555555
香港：71717171
網址：
今年東望洋房車賽，分別有兩款歐洲戰馬首度參與，分別為法國標緻307及來自意大利嘅愛快147型號。惟前者一直低調保持神秘，記者難以近距離接觸；相比下，愛快車隊行事專業有條不紊，加上兩位來自歐洲房車賽高手嘅勒連尼（NicolaLarini）以及泰基尼（GabrieleTarquini），雖然均屬首度出戰濠江，惟計時練習賽中，一直位列8位內，相信響周日正式比賽中，會給寶馬車隊有一定壓力。
首次出戰濠江賽道嘅標緻307，響練習賽中不幸發生意外，左邊前輪撞至脫下，就連傳動軸及懸掛系統亦受到嚴重損毀；當車子被送返維修站時，工作人員便立即將90度移位嘅頭輪推正，然後推入維修站作緊急維修，睇嚟經過維修及調校後，響東望洋大賽中定能力壓寶馬及愛快等戰車。
車神詹昌盛（盲亨）（左圖），今年雖未能落場參賽，但佢太太林秀珠（神婆）就會駕駛本田Civic代其出賽，並會響車身貼上盲亨及神婆字樣，以代表盲亨人在香港心在澳門，同埋夫婦同心嘅意思。
首次出戰濠江嘅愛快147賽車，響首日練習賽中因意外頭架陷入車身，惟有以鐵鏈扣緊門栓用人力拉出；旁邊隊員緊盯篷頂以防塌下，其後赤膊嘅日籍車手谷口信輝亦看得肉緊呢！
Yokohama新一代嘅A006輪胎，今次就成為多家車隊所使用嘅水地賽車輪胎；呢款新輪胎用上全新胎壁設計，令轉向更靈敏外，膠質亦較其他歐洲品牌嘅輪胎來得較軟，雖然佢係賽道專用輪胎，但大家亦可在本港嘅輪胎店訂購得到。
記者、攝影：伍旋卓