《基本法》二十三條令民主黨主席李柱銘要四圍飛，臨退位都冇時停。今次去布魯塞爾，咁啱係馬丁主席任內最後一次外訪，又撞正十六大，結果有歐洲議會嘅議員將佢同江澤民相提並論。
話說馬丁噚日見歐洲議會議員OlivierDupuis，馬丁話有啲人批老江唔會甘心全退，會好似鄧小平一樣「垂簾聽政」。
轉個頭佢講到自己做了四屆主席，根據黨章一定要退。Dupuis反應好快，即刻問佢：「咁你咪好似江澤民一樣？」嘩，呢個譬喻非同小可，馬丁即刻話自己真係全退，只係普通黨員；佢重望一望身邊嘅涂謹申，然後話𠵱家即使係主席，好多黨員都唔係咁聽佢話！
傳真︰2623-9278
電郵︰