王秀琳（Mango）前晚在尖沙嘴一間卡拉OK慶祝二十二歲生日，她前日中午更事先張揚會喝醉，可是晚上又表示有唱片公司同事陪同耍樂，應該不會喝醉。
Mango前晚帶同多袋禮物到場，她說：「我暫時收到三份禮物，有皮靴、衫同手鈪，有兩份係一個男性朋友送嘅。」問到Mango可有得到心儀的異性友人送禮物，她說：「我鍾意爹哋，但佢冇送禮物畀我。」
Mango事前曾表示會喝醉，她解釋：「因為平時唔會去呢啲地方玩，我多數會留喺屋企，所以好想生日醉一次，不過同唱片公司同事一齊玩，佢哋實會照顧我，唔會畀我醉。」
採訪、攝影：楊潔雯