今年賽車女郎提前曝光，當中有份贊助鄧穎詩同李英健嘅一間美國偈油公司，搵咗有線其中兩個catgirls客串做賽車女郎，此招果然煞食，而一間有份贊助車隊嘅桑拿浴室噚日就換咗件新洋妞撐場。
噚日有傳聞綽號「神婆」嘅「盲亨」老婆林秀珠，會代夫喺東亞運動會盃同「濕地王」蕭建青鍊場牙骱戰，更話私片六十萬。問番兩位當事人，點知濕地王竟然話「兩架車一頭一尾，點鬥？」佢最後重叫記者唔好亂寫。至於在昨日排位賽出局的神婆就話：「聽都未聽過，有冇搞錯！」
今屆賽會加強保安，賽前派出司警同保安人員好仔細咁檢查賽道嘅安全，而兩日試車亦冇放鬆，車迷入場先要通過嚴密檢查，睇吓有冇帶危險物品，咁樣做都無可厚非，此舉可令大家睇車睇得放心。