【本報訊】飲食業不景氣下，連著名「老字號」食肆也告失守，有三十九年歷史、曾吸引不少政界及影視圈猛人光顧的益新飯店，近年在每月虧蝕達二十萬元的情況下，今起正式結業，不少老茶客趁昨日最後一日營業到來緬懷一番，齊向這間以米鴨、生焗蟹缽及焗魚腸等美食聞名的「名人食堂」告別。 記者：盧文烈
「益新喺九五年三月二十九日由灣仔駱克道搬到利舞臺廣場，當時係取其『生意夠』嘅意思，起初生意係幾好，但係最尾生意就唔係好夠。」益新飯店經理黃振剛一句想當年，道盡益新結業的原因。
黃振剛坦言，近年本港經濟逆轉，負資產市民大增，「以前啲客每次埋單成三千蚊，𠵱家每次就只係一千蚊，即使客冇少到，營業額亦少咗好多。」
股東之一的鍾漢佳更不諱言，最近一至兩年飯店每月虧蝕二十萬元，雖然業主願意減租，但眾股東最終決定結業。
益新飯店的顧客可謂星光熠熠，前政務司司長陳方安生、房屋及規劃地政局局長孫明揚曾前來光顧；影星周潤發、梁朝偉、劉嘉玲、張曼玉、關之琳及張國榮等都曾是座上客；近年吳君如及立法會議員勞永樂等更是常客。
勞永樂表示，二十年前他任初級醫生時已開始光顧益新：「我十年前未食素時，就成日嚟呢度食米鴨，近年就好鍾意食煮茄子，好唔捨得佢結業。」影星司馬燕也表示，最喜歡吃益新的琵琶鴨，希望該店日後可以重新營業。而據員工及食客透露，焗魚腸及生焗蟹缽等名菜亦很出色。
益新六十五名員工全部按勞工法例遣散，點心師傅莊先生稱讚僱主屬好老細，從未試過拖欠薪金，下班後更當員工如朋友般看待。
香港餐飲聯業協會會長伍德良說：「𠵱家最慘就係中產變晒負資產，冇晒消費意欲，益新執咗好可惜，反映飲食業經營好困難。」