近來坊間喜歡以「媾」及「𠝹」來形容男歡女愛，許志安前晚在個唱上向觀眾解釋媾及𠝹的意思。安仔提到年初有報道指他趁Sammi出外公幹，與一女伴在街頭濕吻一事，他說：「啲傳媒用媾同𠝹都唔好，我翻查過唐滌生嘅《牡丹亭驚夢》嘅其中一段，講一個女鬼媾男仔，人哋係寫幽媾，意思好優美、華麗，如果用單字一個媾，就有交合嘅意思，所以唔該下次寫我就用幽媾。」
安仔續說：「重有個𠝹字係有攻擊性嘅，個邊有把刀，唔通我拖女仔出街重劏佢死牛咩，下次一係寫炸、爆或者灼呀，好恐怖呀。不過，好多謝傳媒，每次喺我感情迷糊時，都用感情事件簿嚟提醒我。以前有陳欣健，2002年又有同性戀。」