所謂「家有一老，如有一寶」，長者對社會作出好多貢獻，不過八方相信聽日係「長者日」就冇乜人知。出名言論辛辣嘅電台節目主持人鄭經翰噚日出席「長者日2002記者會」時，向台下五百多名長者作九十度鞠躬，佢話自己並唔係馬時亨局長（財經事務及庫務局）咁做錯事向人道歉，而係表示尊重長者。立法會議員羅致光隨即更向長者作一百八十度鞠躬，兩人得到全場熱烈掌聲。
鄭大班之後重好抵死咁話，社會福利署署長林鄭月娥就唔需要鞠躬嘞，只要挺直胸膛為長者爭取多啲福利就夠，坐喺佢旁邊嘅林太可以畀乜嘢反應？咪只係可以尷尷尬尬咁笑吓囉！
（圖）鄭大班（中）向長者作九十度鞠躬表敬意，重叫旁邊嘅林太（左）為長者爭取多啲福利。
傳真︰2623-9278
電郵︰