$16/斤半肥瘦夠晒滑 想肉餅唔嚡口，芳姐話最好就買半肥瘦豬肉，因為有啲肥肉一齊蒸的話，入口就會滑啲，又好咬口，咁樣嘅肉餅就無得頂！
$4/斤爽口芽菜價廉 芳姐知道小記最鍾意食芽菜，所以就即刻買多幾両畀小記過口癮。芳姐話用芽菜係貪佢價錢夠平，入口又爽又脆，放片薑落去就可以辟咗啲草青味，營養又夠高。
$3.5/斤白豆宜煲湯 最後一站就係去雜貨舖買白豆，芳姐話白豆平日多數嚟燜或煲湯，買時留意有冇蟲蛀就得，不過最好都係到相熟雜貨舖買就包保靚。