大公司上市，但求樣樣吉利。好似噚日上市嘅中國電信，股票號碼係728，呢個靚冧巴係捐咗100萬畀公益金得番嚟。可惜全球股票市場今年都死死吓咁，就算有個靚冧巴亦幫唔到幾多，中電信頭一日掛牌就跌穿招股價。
唔知係咪前晚睇完美國預託證券表現差，中電信董事長周德強同公司總裁常小兵昨日都冇現身，只得財務總監吳安迪主持大局。阿頭唔喺度，佢點敢亂講嘢，所以就算記者不斷追問，連交易大堂嘅玻璃門都整崩埋，佢都唔肯講啲乜。
（圖）吳安迪（左）代表中電信捐一百萬給公益金，由滙豐前大班施德論接收。
傳真︰2623-9278
電郵︰