國際知名作曲家及指揮家譚盾今晚同聽晚會喺文化中心舉行兩場多媒體歌劇《門》，噚日佢喺文化中心見香港傳媒。佢替導演李安嘅電影《臥虎藏龍》寫配樂，贏咗奧斯卡「最佳原創音樂獎」同格林美「最佳電影原創音樂大獎」，最近佢又替張藝謀嘅《英雄》做電影配樂。
記者問譚盾覺得兩套戲有乜唔同，佢好風趣咁以國語回答：「我覺得《臥》像我的女兒，是南方派的柔情似水，而《英雄》則像我的兒子，是北方派的大氣磅礡，有點像『偉哥』。」講完佢自己都忍唔住哈哈大笑。
歌劇《門》係講述三個唔同地方嘅女性，包括中國嘅虞姬、日本嘅歌妓同埋歐洲嘅茱麗葉嘅偉大愛情故事。譚盾表示透過《門》，希望可以同香港年輕一代、普羅市民溝通，亦希望佢哋可以睇得明白。
（圖）譚盾今晚會喺文化中心舉行多媒體歌劇《門》。
傳真︰2623-9278
電郵︰