容祖兒（Joey）昨日從南京返港，只見她喉嚨貼上膠布。事後Joey透露日前飛往南京接受中醫針灸，以免聲沙發作，未料她在喉部插着針的時候，忘形地講電話而觸動聲帶，她還形容拔針一刻即告噴血。
容祖兒去年尾舉行個人演唱會前夕，曾一度飽受聲沙困擾，她在本年初商台的頒獎禮上，也曾哭訴聲沙令她想到死期到，所以康復後，Joey一直都有定時作喉部檢查，日前她在母親陪同下，還特別飛往南京接受中醫針灸。
昨日Joey偕母從南京返港，她出現香港機場時，記者見她的喉部貼上膠布。事後記者致電給Joey，她才透露因在南京做針灸出事，所以要減少說話。
Joey昨日在電話中，以緩慢的聲調說：「我前兩日去咗南京做針灸，個醫生要喺我嘅喉嚨插四支針，都要插成三十五至四十分鐘。咁啱個醫生打電話畀我個音樂老師，老師想同我講幾句，我一時開心得滯，講嘢又高音，又企起身行嚟行去講電話，到我講完電話冇耐，醫生幫我拔番啲針出嚟嗰陣，就即刻噴血啦。」
那一刻Joey形容其衣服和醫師的手部也沾上血迹，在旁的容母見狀低聲喊「哎吔」，Joey說：「阿媽事後同我講，話唔想做成恐慌，所以至嗌得咁細聲，反而醫生就嚇到臉都青埋，即刻同我止血。其實流咗一陣都冇事，不過傷口就腫咗，呢次都唔關個醫生事，係我自己講電話太開心啫。」
最後Joey表示，她所接受的喉部保健療程，每次應連續做十日，每日做一次針灸，但她卻一日做兩次，而容母也有做手和腳的針灸，Joey笑說:「阿媽重諗住組師奶團，唔去東京去南京做針灸，今次流血係我自己嘅問題，我唔會有陰影，第日都會繼續針。」
採訪：朱芷瑩