古有花木蘭代父從軍，今有李國寶個仔李民橋，代父賀老臣子。嶺大噚日畢業禮，七三年中大畢業後，喺東亞銀行由小職員做起升至現任執行董事嘅彭玉榮，亦都獲頒榮譽社會科學博士。不過，八方就唔見主席李國寶到場賀賀佢，反而係寶哥個仔有心，特登去捧場。李公子話彭Uncle由細睇到佢大，不過噚日爸爸太多會要開，所以由佢向彭Uncle講聲恭喜。
彭玉榮喺東亞蒲咗三十年，一步一步咁向上爬，真係打工仔嘅榜樣。八方喺佢嘅贊詞發現，原來彭玉榮嘅名片同小職員無異，冇註明佢嘅專業資歷、高等學位，亦都無提佢嘅公職等，真係禾稈冚珍珠。
（圖）東亞老臣子彭玉榮（中）獲頒嶺大榮譽博士銜，太太及老闆仔李民橋齊到賀。
傳真︰2623-9278
電郵︰