立法會議員李華明積極減肥，大半年減咗十五磅。嘩！咁鬼好成績真係羨慕死八方，噚日佢重係第一個人接受屈臣氏男士健康測試，真係勇氣可嘉。減咗肥嘅阿Fred，成績果然唔錯，血壓同帶氧運動都好正常，順利踏咗三分鐘台階。
阿Fred話佢今次減肥係嚟真嘅，秘密係堅決唔食糖份大半年，飲奶茶、咖啡唔可以落糖，唔食雪糕、蛋糕、糖水，先至可以由高峯一百八十五磅減到一百七十磅，可惜體重指數仍然超出少少。佢話以後會做多啲運動，行多幾層樓梯。而屈臣氏十一月同十二月期間，會舉行幾次免費男士健康測試，希望忙碌嘅男士可以好似Fred咁，關注吓自己嘅健康。
（圖）積極減肥嘅李華明愈來愈Fit，順利通過踏台階測試。
傳真︰2623-9278
電郵︰