就算返咗工逛緊街都可以用部手機直接睇到屋企的情況，皆因新世界傳動網推出名為「智顧家」流動視像服務，原理是使用已安裝pvPlayer軟件的手機，以GPRS上WAP網將手機接駁到家中電腦的Webcam，即時於手機睇到Webcam所拍到的影像。首先，電腦要安裝「智顧家」的應用軟件，新世界會以電郵將電腦專用的應用軟件Send畀用家，另外亦可於官方網頁內下載，而手機同時亦要裝番個pvPlayer軟件，呢項服務暫時只適用於Nokia7650，首次登記費為$100（已包括安裝pvPlayer軟件落手機的費用），月費收$10，而每次睇片就另外計錢，例如選擇睇約10秒收$5、20秒收$8或30秒收$10。
記者、攝影：招佩珊