合和實業主席哥頓胡應湘主催嘅港珠澳大橋有望落實，若果係就要開始撲水，有傳聞話所羅門美邦亞太區主席梁伯韜幫哥頓分拆合和公路上市，順便集資以備將來起大橋。
長實集團主席李嘉誠一向唔係咁支持大橋計劃，梁伯韜一向同合和及長實有生意做，自己同李超人嘅關係更千絲萬縷；八方噚日見到番薯梁，即刻問佢做乜咁大膽？同超人唱對台？
番薯叫八方唔好亂諗嘢兼唔好亂講嘢，佢話誠哥冇話反對起橋，佢隻頭馬霍建寧都冇，佢哋只係反對政府免地價畀哥頓起碼頭。講來講去，咁究竟係咪幫哥頓搵水起橋？番薯一時話冇咁嘅事，一時話Nocomment，做夾心人真係唔容易。
傳真︰2623-9278
電郵︰