麥浚龍（Juno）前晚頭暈不適，被送入養和醫院留醫一晚。Juno昨午出院時，左手手腕位置吊葡萄糖水的傷口，包紥得似「豬蹄」。唱片公司高層陳少寶探訪Juno時說：「太子仔要闖江湖嘅話，要跌吓先會大個嘅。」
樂壇新人、中建電訊老闆麥紹棠的兒子麥浚龍前晚因頭暈，被送往養和醫院，他留院一日於昨午約十二時匆匆出院，只見他左手手腕包着紗布，原來因吊了一包半葡萄糖水，故手上有傷口。不過通常傷口只是很細，不知Juno因何故，傷口包紮得如此大陣仗。
Juno昨日在醫院接受訪問時說：「我（前日）去報攤買漫畫書時，踎低起身見頭暈，保母就即刻送我入醫院，吊咗一包半葡萄糖水啫。」問Juno其父母有否到醫院探望？他說：「冇呀，不過有打電話嚟，我阿媽話我咁辛苦做嘢，佢好心痛喎。」
問Juno有否向所屬環球唱片公司反映工作量過重，他說：「我重要做個校園騷，人哋印晒海報，唔做唔知點算呀。」前晚環球唱片高層陳少寶到醫院探望Juno，Juno說：「我同寶uncle（指陳少寶）講要錫住我呀，唔好害我呀。」
陳少寶探完Juno時說：「佢（指Juno）身上冇明顯傷痕，不過我見到佢膝頭哥有事。Juno工作太忙，又要返內地，呢個月好多嘢做。太子仔要闖江湖嘅話，要跌吓先會大個嘅。」
環球另一歌手余文樂近日身體亦不適，連看醫生的時間都沒有，陳少寶說：「Juno要跳舞體力勞動大，阿樂唔使，而且佢係電影嗰邊唔放人咋喎。」問陳少寶今次Juno入院的醫藥費誰付？他說：「唔知喎，等張單寄嚟先啦，呢度住一晚幾貴呀？」
採訪、攝影：娛樂突發組