髮型師Boffy前晚舉行髮型seminar，示範三款以punk、classic和rock為主題的流行髮型。謝霆鋒師妹、英皇新人梁樂瑤有份任示範模特兒，但她今次沒有酬勞，當是練習吸取經驗。
髮型師Boffy前晚於旗下位於中環的CHIN.G髮廊舉行seminar，請來女模陳小韻（Cara）、十四歲英皇新人梁樂瑤（Isabella）及日籍模特兒Ren出任示範女模，即席示範三款流行髮型。
Boffy表示來年髮型潮流與時裝潮流一樣，出現mix的現象，他前晚說：「長短髮型都興，顏色就流行toneontone，即係好似染鮮紅色，highlight就用深紅色。重有𠵱家髮型界同時裝界一樣，興mix唔同年代嘅經典，好似將二十年代、五十年代混合，或者將八十年代的髮型改革update咁。」
Boffy為Isabella設計的髮髻，就是把二十年代的髮型與現代風格結合，他說：「前額嘅fingerwave係二十年代風格，比較貼面整齊。後面就重視現代感，散散地、隨意啲，唔整齊嘅風格同前額成為一個對比。Isabella有氣質，最啱清秀、簡約嘅髮型，不過古典嘅髮型佢都可以carry到。」
帶英國血統的Isabella現年十四歲，就讀中二，曾與謝霆鋒拍攝32℃化妝品廣告。她昨日首次出任髮型show示範model，沒有收取酬勞，她說：「啱啱考完試，係公司幫我接呢個job嘅，冇錢收唔緊要，當練習囉。不過，因為要兼顧返學同埋學唱歌、跳舞，都幾辛苦同緊張㗎。」
早前曾有指Isabella學業成績欠佳，要找同公司的歌手周英杰為她補習，她說：「我同佢唔熟，見過幾次。我嘅成績幾好，最叻係英文科。」Isabella又表示無悔與英皇簽下十五年長約，亦不怕公司多是非，更透露老闆楊受成不時鼓勵她要畀心機讀書，完成中學課程才推出唱片。