城市大學噚日有個環保演講，請到內地著名環境科學專家曲格平主講，重請到環境運輸及工務局局長廖秀冬出席主禮。好多政府官員出席呢類畀面派對，好快就會離場，但係廖局長竟然聽足兩個鐘，重聽得津津有味，反映出佢對搞環保的確有抱負。
廖局長離開時，有幾位城大學生大使拉住佢合照。原來廖局長因為對環保嘅貢獻，成為咗佢哋偶像喎。
曲格平教授喺演講時提到七二年喺斯德哥爾摩舉行嘅人類會議，係環境科學上嘅第一次世界性會議，影響深遠，廖局長即刻表示認同。佢重話，七二年佢喺大學讀緊生態學時，都好關心個會議，重特登珍藏起張海報㖭，不過，經過多次搬屋，已經搵唔番，認真可惜。
（圖）見到偶像廖秀冬（左二），幾位城大女生即刻把握機會同偶像影番張相。
傳真︰2623-9278
電郵︰