十六大落幕，中國高層人事大變。變，其實係好事，領導層年輕化，冇咁大個包袱；雖然，朱鎔基拜拜都有啲可惜。
朱鎔基下個禮拜會率領一大批財金系統，例如財政部、證監會等高官來港，主要係趁參加會計師年會個活動順道訪問，呢一次應該係朱鎔基最後一次以總理身份官式訪港。正值十六大開完會，朱鎔基可能會帶啲最新指示落嚟，所以特區政府好緊張，董特首下禮拜一已經安排喺禮賓府請總理食飯，高官同一眾行會成員亦有份。
另外，中大亦趁財政部部長項懷誠南來，請佢去大學演講，各位想聽「中國的財政改革和財稅政策」，下禮拜四就要早啲入沙田。
傳真︰2623-9278
電郵︰